Codigo di Proteccion ta un plan paso pa paso, un protocol, cu e profesionalnan ta uza ora nan tin (sospecho di) abuso di mucha. E plan aki ta consisti di 5 paso, cu ta ampliamente delinea riba e website. E meta di e Codigo ta, cu ora tin sospecho di abuso di mucha, e profesionalnan sa kico nan mester haci: pone e señalnan riba papel, papia di nan preocupacionnan cu e mayornan y si ta posibel cu e mucha. Despues hunto cu e famia e profesionalnan lo wak si nan mes por brinda un sosten na e famia, p’asina alivia nan preocupacionnan y p’e mucha por lanta den un ambiente cu proteccion. Si esey no ta caso, mester haci notificacion.

E Codigo di Proteccion ta destina pa tur profesional cu ta traha cu y pa mucha. E Codigo di Proteccion no ta pa ciudadano. Si como ciudadano bo tin preocupacion, mester tuma cu un profesional, por ehempel maestro of un dokter of cu Bureau Sostenemi. Ora di un situacion di peliger, e ciudadano mester tuma contacto inmediatamente cu Bureau Sostenemi of polis.

No, esey no mester. Codigo di Proteccion ta pa yuda e profesionalnan pone e pasonan corecto, ora di (sospecho di) abuso di mucha. Un pregunta central e ora ta: “Kico ami mes por contribui pa stop e abuso y yuda e famia, pa esaki no sigui sosode?”. Si duna ayudo propio of organisa ayudo no ta logra, e profesional por bay den consulta cu e famia y hunto cu Bureau Sostenemi pa haci un notificacion di e caso. E profesional si mester describi e pasonan y evaluacion cu el a haci. Di e forma aki ta registra e sospecho di abuso di mucha.